PEPELING
Karya: Tubagus Muhammad Sulaeman
Ku Welas Asih dikawitan
Abdi ngadamel Tulisan
Puji sinarengan sukuran
Eta tetep ka pangeran
Rohmat salam ka jungjunan
Nabi Nu Janten Panutan
Wa badu ieu tulisan
Pepeling ka ihwan-ihwan
Netelakeun Ahir Jaman
Kawas tos acak-acakan
muga aya mangpaatna
Husus kanu ngadamelna
Umumna ka sadayana
Anu tos kersa macana
Nyaeta mang pirang-pirang
keretas bacaeun urang
Keur anu ageung harepan
Tur anu panjang emutan
Hayang hasil kauntungan
Kabagjaan kasalametan
Meungpeung hirup direjekian
Ku Pangersana Pangeran
Dulur-dulur Ihwan-ihwan
Geura eling ka Pangeran
Ulah sok nurutan jaman
Masih nyaah kana iman
Sabab dina ieu jaman
Lamun urang teu mageuhan
Kana Islam jeung iman
Tangtu ahlak kawas setan
Masing getol ngadatangan
Kana tempat pangajian
Waktu teh kalintang penting
Dulur-dulur prak sing rajin
Ulah loba teuing ulin
Sing loba hudang ti peuting
Ngamalkeun keur waktu jempling
Sabab di jaman kiwari
Geus loba pisan anu wara wiri
Urang ulah ka bawa teu eling
Elmu kudu dipilari ku urang sorangan
Dina sagala rupi jalan
Pituduh ti Pangeran
Sangkan hirup meunang ka tentreman
Kasadaya dulur-dulur
Solat ulah ngandelkeun batur
Komo bari jeung takabur
Engke bisi ti gejebur
Sok sanajan boga bapa
Ahli elmu tur ulama
Meungpeung hirup di dunya
Lamun teu maksakeun rek iraha
Hayu urang ngeunteung ka diri
Laku lampah nu kamari
Nu sae urang tambahan
Nu awon urang omean
Kedah isin ku mahluk lian
Oge saeusina alam
Nu weleh dikir ka Pangeran
Ku kodratna sewang-sewangan
0 Response to "Puisi Bahasa Sunda Pepeling "
Post a Comment