Lamun dahar noga
Kudu daek nya meulina
Lamun hayang asup surga
Kudu tuhu kana solatna
Ngala tutut ka talaga
Alatna pacul ayakan
Kitu patut hayang ka surga
Solatna ge tara pisan
Lamun ulin ka talaga
Balikna sok bawa barang bawa
Lamu urang hayang surga
Jalanna nya eta takwa
Daun salasih ngareluk
Disimeutan awi beulah
Nu asih ka pada mahluk
Di rahmat ku gusti Alloh
Ka Ema silaturahmi
Teu hilap nyandah seupahan
Jalma anu alus budi
Pasti loba anu resepeun
Ka mana jalan asia
Tuh ka ditu ka palih wetan
Ka mana jalan ka surga
Tuh kaditu ka pangaosan
Ka pasar meser ragaji
Ragajina tinggal dua
Boga budak pinter ngaji
Nu reueus pasti kolotna
Ka warung meuli katuncar
Sakalian meuli jahe
Mun budak kedul diajar
Hanjakal ke geus gede
Mun engke ka bojong menje
Bakal nguriling jalanna
Mun diajarna talangke
Bakal kaduhung ahirna
Mawa peti dina sundung
Ditumpangan ku karanjang
Pangarti teu berat nanggung
Tapi mangpaatna manjang
Samping kageutahan dukuh
Dikeulabkeun dicaikeun
Nu matak urang sing kukuh
Papatah guru diturutkeun
Angeun hurang sapariuk
Bawangna ngan dua sihung
Ulah mungpang ka piwuruk
Bisi akhirna kaduhung
Salila milu ka dinya
Teangan roda padati
Salila hirup di dunya
Teangan elmu pangarti
Rujak cikur rujak bebek
Loba nu rek ngadaharna
Jalma nu sok gede ambek
Bakal kaduhung ahirna
Ngawaluku ngawalajar
Kudu dibaladah heula
Dina waktu rek diajar
Hayu ngadaro'a heula
Lamun poek nyeungeut lilin
Teu pati caang seuneuna
Ulah ngalobakeun ulin
Bisi kaduhung ahirna
0 Response to "Pantun Pituah"
Post a Comment