Kanjeng Nabi anu mulya
Muhammad jenengan nana
Arab Kuraisy nya Bangsana
*Ramana sayid Abdulloh
Ibuna Siti Aminah
Dibabarkeun na di Mekah
Wengi Senen taun gajah
*Robiulawal bulan na
Tanggal kadua belasna
April bulan masehina
Tanggal ka dua puluhna
*Ari bilangan taunna
Lima ratus cariosna
Tujuh puluh panambihna
Sareng sahiji punjulna
*Siti Aminah misaur
Waktos babarna ka catur
Ningal cahya mani ngempur
Dibumina hurung mancur
*Babar taya kokotoran
Bayi tos kenging nyepitan
Soca lir kenging nyipatan
Sarta harum seuseungitan
*Lahir Nabi akhir zaman
seueur pisan kaanehan
Sesembahan bangsa syetan
Kabeh pada karuksakan
*Nabi yuswa lima bulan
Tos tiasa angkat -angkatan
yuswa salapan bulan
Tos capetang sasauran
*Yuswana sapuluh bulan
Ahli pisan papanahan
Ngelehkeun budak nu lian
Tapi tara kumagungan
*Parangi na kanjeng Nabi
Jatnika pinuh ku puji
Pinter tur gede ka wani
Sabar nyaah kasasami
*Keur opat taun yuswana
Nabi dibeulah dadana
Dibersihan manah na
Malaikat nu meulahna
*Jibril ka dua rencangna
Mikail jenengan nana
Ngeusikeun kana manah na
Ilmu hikmah sa pinuhna
| *Teras dada kanjeng Nabi Enggal dirapetkeun deui Sarta teu karaos nyeuri Dicap Khotamin Nabi *Harita Nabi aya na Dilembur ibu inangna Halimah jenenganana Sadiyah ngaran lemburna *Rama Nabi kacaturkeun Pupusna kacarioskeun Basa Nabi di bobotkeun Dua sasaih ka ungelkeun *Keur lima taun yuswana Ditinggal pupus ibuna Teras dirawat Eyangna Abdul Mutholib asma na *Kersana Robbul Alamin Kanjeng Nabi nu Prihatin Yuswa dalapan taun yakin Eyngna mulih ka batin *Sabada wafat eyangna Nabi dirawat Uwana Abi Tholib kakasihna Saderek teges ramana *Kanjeng Nabi sering pisan Dicandak ka Nagara Syam sok nyandak barang dagangan Didinya teh pajeng pisan |
*Kacatur di eta Nagri Loba pandeta Yahudi Sarta pandeta Nasrani Tepang sareng Kanjeng Nabi *Sadayan sasauran Ieu jalma moal nyalahan Pi Nabieun akhir jaman Toret Injil tos ngibaran *Sipat Nabi Panganggeusan Aya dianjeuna na pisan Harita loba nu Iman Ka Nabi ngangken panutan *Lami-lami kanjeung Nabi Disambat ku hiji istri Dagangna ka unggal negeri Kauntungana na dibagi *Istri Jenengan Khodijah Putri Khuailid ka telah Nupang kayana di Mekah Ka Nabi langkung nyaah *Siti Khodijah masrahan Ka Nabi barang dagangan Maesaroh nu ngarencangan Ka Nabi purah nyarengan |
| *Kacarios Maesaroh teh Seueur pamendak nu aneh Ciciren Nabi nu Sholeh Matak hareraneun kabeh *Tatangkalan uluk salam Mega bodas sok mayungan Jeung aya cap ka Nabiyan Dina salira na pisan *Pamendak Siti Khodijah Sami sareng Maesaroh Akhirna Siti Khodijah Ka Nabi mundut di tikah *Harita Yuswana Nabi Salawe taun ka warti Ngadak - ngadak sugih mukti Tapi tambah sae ati *Karesep na Kanjeng Nabi Ka Gusti Alloh ngabakti Di Gua Hiro maranti Ibadahna saban wengi *Didinya jol kasumpingan Jibril nurunkeun Quran Kalawan dawuh Pangeran Nabi didamel utusan *Harita Yuswanana Nabi Pat puluh taun ka warti Diutus ku Alloh pasti Nyebarkeun Agama Suci |
*Anu iman pang heulana Siti Khodijah Garwa na Abu Bakar ka dua na Shobat nu pang mulyana *Murangkalih nu nonoman Anu pang heula na Iman Sayyidina Ali pisan Ka Nabi saderek misan *Jeung ari jalma beulian Anu pang heulana iman Sidna Bilal kaleresan Anu jadi tukang Adzan *Ari lolobana pisan Ka Nabi teh ngamusuhan Nganiyaya ngajailan Teu aya pisan rarasaan *Sohabat na kugsi ngalih Ka Nagri Habsyi nu teubih Didinya anjeun na linggih Kira kenging tilu sasih * Shohabat mulih ti Habsyi Ka carios kanjeng Nabi Kenging pohara cocobi Kersa na nu Maha Suci |
| *Uwana saeng garwana Pada pupus dua nana Harita Nabi yuswana Kali puluh taun na *Tos pupus Siti Khodijah Nikah ka Siti Saodah Sareng ka Siti Aisah Umil mu'minin katelah *Ta dinya kersa Pangeraan Maparin ka mulyaan Ka Nabi nu akhir zaman Kakasih nu sifat Rohman *Nuju tanggal tujuh likur Sasih rajab nu ka catur Nurut kaol anu masyur Kanjeng Nabi teh disaur *Dipapagna ku malaikat Nyandak burok nu kasebat Leumpangna teh siga kilat Tungganganeun Nabi angkat *Ti Mekah ka Baitil Maqdis Teu nganggo lami antawis Kujalmi henteu ka tawis Kersana Alloh nu Wacis *Ti baitil Maqdis terasna Naek na tangga Kancana Miraj tea kasebatna Ka langit Nabi sumpingna |
*Tujuh langit sadayana Jeung 'Arsy nu pang luhurna Disumpingan sadayana Katut Surga Naraka na *Kanjeng Nabi ditimbalan Ku Alloh nu sifat Rohman Anjeun na kedah netepan Sholat muji ka Pangeran *Kabeh jalma anu iman Sami pada kawajiban Sholat nu lima giliran Henteu kenging di kirangan *Sholat eta minangka na Dina Agama Tihang na Jalmi nu luput sholatna Nyata rubuh Agama na *Kacaios dina zaman Mirajna Nabi panutan Yuswa na teh kaleresan Lima puluh taun jalan *Kafir Mekkah ka caturkeun Barang Nabi nyarioskeun Miraj lain di mulyakeun Malah pada nyeungseurikeun |
| *Pada hasud ngakalakeun Tidinya Alloh ngersakeun Kanjeng Nabi dialihkeun Ka Madinah di hijrahkeun *Sohabatna pirang-pirang Nu bumela milu Iang Milu ngalih sewang-sewang Henteu pisan sumoreang *Tambah kamulyaan Nabi Di Madinah asal sepi Jadi rame kunu ngaji Muju kanu Maha Suci *Sapuluh tahun lamina Di Madinah Jumenengna Agama islam cahyana Gumebyar kamana - mana *Nagri Mekah di perangan Akhirna kaboyong pisan Nabi tambah kamulyaan Yakin sanes jijieunan *Ari yuswa Kanjeng Nabi Genenep puluh tilu pasti Makom na dijero Nagri Madinah Nagara suci *Para puta na jeng Nab Aya opat anu istri Siti Zainab ka hiji Ruqoyah nu hiji deui |
*Umi Kulsum ka tiluna Siti Fatimah bungsuna Ari putra nu cikalna Sidna Qosim kakasihna *Sidna Abdulloh rayina Ibrohim nu katiluna Eta nu genep putrana Siti Khodijah Ibu na *Sidna Ibrohim Ibuna Mariyah jenengan nana Istri ti Mesir asalna Tah kitu turunan nana *Putra nu pameget kabeh Pupus keur aralit keneh Nu istri carogr na trh Para sahabat nu soleh *Siti Zainab caroge na Abul 'Ash jenenganana Siti Ruqoyah carogena Sidna Utsman mimitina *Tos Siti Ruqoyah hilang Anjeun na turun karanjang Umi Kultsum putri lajang Ditikah gentos nu hilang |
| *Caroge Siti Patimah Sidna Ali nu katelah Bikarromallohu Wajhah Anu kamasyhur gagah *Ari putu Kanjeng Nabi Dalapan pameget istri Siti Umamah jeung Ali Ti Siti Zaenab kawarti *Ari Sidna Abdulloh mah Putu ti Siti Ruqoyah Putu ti Siti Fatimah Aya lima kabeh na mah * Tilu anu pamegetna Sidna Hasan kakasihna Sidna Husen kaduana Sidna Muhsin ka tiluna *Umi Kultsum nu istri na Ka Sidna Umar nikahna Siti Zainab ka dua na Nurut ungeling wartosna *Urang kudu cinta ati Katurunan kanjeng Nabi Poma ulah goreng ati Sumawon na hiri dengki *Ari mungguh kanjeng Nabi Nyaahna langkung ti istri Kaumatna jaler istri Leuwih ti sepuh pribadi |
*Welas asih ka nu miskin Sumawon ka budak yatim Pada wareg ku paparin Kadaharan jeung pasalin *Akuan ka urang kampung Calik satata ngariung Tara angkuh jeung adigung Sanajan ka urang gunung *Kanu nyandang kasusahan Gering jeung kapaptenan Ngalayad sarta ngubaran Ngajajapkeun ka kuburan * Manis saur manis budi Estu mustika ning jalmi Sae rupi jeng parangi Sajagat moal mendak deui *Raray lir bulan purnama Halisna lir ketumbiri Waos lir biduri Salira harum wawangi *Estu kersaning Pangeran Lain seungit diminyakan Karingrt pada nandean Dipake seuseungitan |
| *Sakitu Nabi mulyana Taya pisan adigungna Angkat pungkureun sohbatna Kalangkung handap asor na *Anggoan kersa lumayan Najan nu geus ditambalan Kitu deui ka tuanganan Banget pisan dikirangan *Betah dina kamiskinan Sanes sabab teu kagungan Ngahaja bae ngirangan Ngarah Ridlo na pangeran *Pirang-pirang mujizat na Tawis ka Nabiyan nana Quran nu nomer hijina *Tangkal nu perang daunna Disiram tilas abdas na Ngadadak loba buahna Sarta hirup satuluyna *Domba nu banget kuru na Sarta na lepet susu na Diusap ku pananganana Ngadadak juuh susuna *Dina hiji waktos deui Sohbat kakirangan cai Teras bae kanjeng Nabi Mundut cai anu kari |
*Cai ngan ketel pisan Taya deui anu lian Nabi neuleumkeun pangangan Dumadak tuluy manceran *Cai mancer loba pisan Kaluar tina panangan Sela-sela ramo pisan Cukup ku jalma rebuan *Ka catur hiji Badewi Ngadoja ka kanjeng Nabi Nitah nyaur tangkal kai Sina ngomong cara jalmi * Tuluy tangkal teh di saur Harita ku kanjeng Nabi Tangkal datang ngagulusur Akar na teh digugusur *Ngadeuheus ka kanjeng Nabi Uluk salam cara jalmi Sanggeus kitu balik deui Katempat asal na tadi *Badwi teh ngan kantun heran Ningal eta ka anehan Teras bae asup Islam Ka Nabi ngangken panutan |
| *Salian na loba deui Mu'jizat na kanjeng Nabi Mun di wincik hiji-hiji Keur nulis na moal mahi *Ya Alloh nu Rohman Abdi sadayana Iman Teu aya deui pangeran salain tianjeun pisan *Nu ngadamel bumi alam Rawuh sa eusi na pisan Nu wajib di Ibadahan Taya anu nyasamian *Sareng abdi iman deui Ka sidna Muhammad Nabi Yen eta utusan Nabi Miwulang sadayana jalmi *Nu sifat ka percayaan Bijaksana tur budiman Bener unggal sasauran Najan saur ka heureuyan |
*Dawah na Kanjeng Nabi teh Ka jalma sadunya kabeh Dawuh pangeran nu sholeh Nu wajib di turut na teh *Hormat ka anjeun na Dina mangsa jumenengna Sareng sabada wafatna Eta teu aya bedana *Duh gusti junjunan abdi Sidna Muhammad habibi Pamugi salira nampi Ka nu hina diri abdi *Abdi umat akhir Zaman Anu banget panasaran Hoyong tepang ngadeuheusan Seja tumut serah badan *Di yaumil akhir pamugi Abdi sing janten ngahiji Sareng ibu rama abdi Ngiring gusti ka sawargi |
0 Response to "Nadhom Sejarah dan Nasab Nabi Muhammad SAW"
Post a Comment